Мал эмнэлэг, анагаах ухаан, МАА-н мэдээлэл

2026/09/01

2025/09/21

ДМАЭМБ-аас Монгол Улсын Мал эмнэлгийн албаны гүйцэтгэлд үнэлгээ хийв - 2025.09.08-19

Дэлхийн мал амьтны эрүүл мэндийн байгууллагаас томилогдсон Др. Руперто Викторияно Гонгора ахлагчтай 6 шинжээчийн бүрэлдэхүүнтэй баг Мал эмнэлгийн албаны гүйцэтгэлд үнэлгээ өгөх (PVS evaluation) зорилгоор хоёр долоо хоногийн хугацаанд Монгол Улсад ажиллав. Энэ удаагийн үнэлгээ нь бог малын мялзан болон гахайн африкийн мялзантай тэмцэх арга хэмжээний асуудлыг тусгайчилж багтааснаараа онцлог байв.

Үнэлгээний багийн гишүүд: Др. Эмилио Леон (гахайн африкийн мялзан), Др. Саймон Киху (бог малын мялзан), Др. Сильви Кулон (хүнсний аюулгүй байдал), Марлен Бюши (жендер), Др. Мин-гён Пак (ажиглагч).

Одонцэцэг миний хувьд ийнхүү 2007 оноос хойш ДМАЭМБ-аас хийсэн нийт 6 үнэлгээ болон зөвлөх үйлчилгээний 4-т нь хэлмэрчийн үүрэг гүйцэтгэв.

Сүрьеэтэй холбоотой нэр томъёоны толь бичиг

Энд дарж орно уу.

2024/06/20

Зарим вирүсийн бүтэц

Эх сурвалж: www.microbenotes.com

2024/01/28

Мал эмнэлгийн арга хэмжээний хуанли

2024/01/27

Хөвсгөл аймгийн нутаг дэвсгэр дэх малын боом өвчний эрсдэлт хүчин зүйл, орон зай-цаг хугацааны онцлог

Эх сурвалж: https://journals.plos.org/

Монголд гарсан гахайн Африкийн мялзан: Эпидемийн явц, хэрэгжүүлсэн тэмцэх арга хэмжээ

Эх сурвалж: https://www.mdpi.com/

2024/01/05

Мал, амьтны зарим өвчний оношилгоо, вакцины гарын авлага

Эх сурвалж: https://auth-mofa.opengov.mn/

2023/07/06

Тунг олгох аргаас хамаарсан шүлхийн вакцины дархлаа төрүүлэх чанарын судалгаа

Шүлхийн вакциныг 14 хоногийн зайтай 2 тунгаар тарих, эсвэл энэ 2 тунг нийлүүлж нэг удаа олгоход дархлаа төрүүлэх чанарт ялгаа гарч байгаа эсэхийг үхэр, хонин дээр судалсан дүн

Эх сурвалж: www.frontiersin.org

2023/01/06

2012-2018 онуудад Монгол орны мал, зэрлэг амьтдад бүртгэгдсэн галзуугийн тохиолдлууд

Эх сурвалж: onlinelibrary.wiley.com

Химийн элементүүдийн үелэх систем

2022/09/18

Арьс товруутах өвчин (АТӨ)-ий эсрэг вакцинжуулалттай холбоотой түгээмэл асуултууд

Эх сурвалж: rr-asia.woah.org

Үр ашиг, боломж, хүртээмж, вакцины төрлүүд

1. АТӨ-ий эсрэг вакцинжуулалт ямар үр ашигтай вэ?

· АТӨ-ийг хяналтанд авах, улмаар устгах арга хэмжээний хамгийн үр дүнтэй хэрэгсэл;

· Бусад арга хэмжээ (жишээлбэл, халдвартай сүргийг устгах)-тэй харьцуулахад хэрэгжүүлэхэд хялбар, илүү үр дүнтэй, мөн ихэнх тохиолдолд үнэ өртөг бага;

· Популяци дахь нийт мэдрэмтгий амьтны тоог бууруулдаг тул өвчин нэвтрэх (урьдчилан сэргийлэх вакцинжуулалт хэрэгжүүлж буй тохиолдолд), тархахаас сэргийлдэг;

· Халдварлах, АТӨ-ий вирүс дамжуулагчаар дамжин цааш тархахаас хамгаалдаг тул эдийн засгийн шууд болон шууд бус хохирол үүсэхээс сэргийлдэг.

Газрын амьтны эрүүл мэндийн кодекс монгол хэлээр

Дэлхийн мал амьтны эрүүл мэндийн байгууллагын бүтээл Газрын амьтны эрүүл мэндийн кодекс хэмээх нэн чухал 2 боть баримт бичиг монгол хэлнээ хөрвөж, малын эмч мэргэжилтнүүд төдийгүй мал аж ахуйн салбарын бүтээгдэхүүний дотоод, гадаад худалдаанд оролцогч хэн бүхэн, төр засгийн шийдвэр гаргагчид мэдээлэл авах боломжтой боллоо.

Энэ чухал баримт бичгийг орчуулах санаачилга гаргасан, маш олон хуудас бүтээлийг зориг гарган орчуулах ажлыг зохион байгуулсан, орчуулсан, хянан тохиолдуулсан, хэвлэлийн зардлыг шийдвэрлэсэн бүх мэргэжилтэн, удирдлага, байгууллагуудад баярлалаа.

Миний хувьд өчүүхэн хэлтэрхийг нь орчуулж дэм үзүүлсэн болно.